Kusilluyuq sipas - VI

Sapa punchawmi Padre Valdezqa iglesiaman riq pintorpa rurasqanta rikuq. Anchata kusikurqan. Iglesiap alliq kaq pirqasawapi killimsawan pintorqa Paraisota qillqachkarqan. Manaraqmi

. Achka qullanan runa huiracochahina chay pintasqapi rikurinku, preladokuna obispokuna santokunawan wakilla sisawan qatasqa wayllapampapi quchukuchkarqanku. Padre Valdezqa chayta rikuspa anchata kusikurqan. “Manachuch ñuqapas kay Paraísop pintasqanpi qillqasqa kayman?” ñispa tapukurqan. Pintorqa asirirqan. Lluqi kaq pirqapitaq Ukupacham pintasqa, rawraq nina ukupi millay millay supaykuna waqrawan waquwan Ukupachata huntarqanku. Indio wakamuchaqhina rikcharqanku. “Ancha allin pintormi” ñispam padre Valdezqa ñirqan. Altarmayorpim Virgen wawantinpa pintasqanqa manaraq qallarisqachu.
Chay Pablo Qispim ancha tutamanta chisikama iglesiapi llamkachkarqan. “Manach mikunmanchu, manach upyanmanchu” ñispam runakunaqa utirayarqanku. Huk mitam fiscalqa hamurqan pintorta rikuq.
“Yaw Pablo” ñispa ñirqan. “Hamuy asllata samakuq. Aswam wasiypi kan, mikunapas kantaqmi.”
Pintorqa Pumayawriman putikuqhina qawaykurqan.
“Mana kananpunchaw, ichapas qaya hamusaq” ñispa asirispa kutiparqan.
“Imaraykutaq, wawqi, putikunki? Ñuqawan ñanta purikuspa ancha kusikuqhina karqanki. Imataq kaypi llakichisunki?”
“Mana imapas, wawqi. Utqa kay llamkayta puchukayta munayman.”

Qayantinmi fiscalqa hamurqan pintorta rikuq. Manam pipas iglesiapi karqanchu. Huk wamrawan tinkurqan. Wamram ñirqan “ancha tutamanta don Pablo llaqtamanta lluqsirqan” ñispa.
“Maymantaq rirqan, yachankichu?”
“‘Rikchaq yurakunata maskaq rini pintasqayta llimpinaypaq’ ñispa ñirqan.”
Fiscalqa “paqta chikiman chayanman” ñispa yuyaykurqan.

“Lucía, aswata munani.”
“Asllata suyallay. Wawkiyqa matita apamunqa.”
“Imam kusillup sutinqa?”
Sipasqa “Pablo sutiyachini” ñispa asirqan. Hinaspa wasinman yaykurqan chinkarispa.
Wamraqa aswata apamurqan.
“Imatam qillqachkanki?”
“Kusilluyuq sipasta.”
“Lucíahina rikchan.”
“Chiqanchá?”
Pintorqa asirirqan.
“Kaymanta qarquytukusqa kaspaqa maymanchá risaq?

Chisiyaptinmi pintorqa llaqtaman kutimurqan. Llaqtap yaykunanpim fiscalqa suyachkarqan.
“Maytam rirqanki? Manchakurqani.”
“Imapaqmi manchakunki? Ñuqaqa yuyaq runam kani; kikiy amachakuyta atini. Kay wayaqaypi chay sumaq raprakuna apamusqayta rikuytaq. Chaywanmi kay llaqtamanta warmikuna pachanta tullpunku. Kay raprawanmi rikchaqta rurasaq. Hinaspam qayamanta Virgen wawantinpa rikchanta qillqayta qallarisaq.”
“Imatam makiykipi hatallinki? Qillqasqaykichu?”
Asirispa qillqaykamayuqqa Pumayawrita qillqasqanta rikuchirqan.
“Pitaqmi? Riqsinkichu?”
“Chayllatam manchakurqani. Don Diegoqa ancha manchaypaq runam. Manaraq don Diego rikuptinmi chay qillqasqaykita rupachiytaq!”
“Manam. Kay imagen sunquypim waqaychasaq. Don Diegotaqa manam manchakunichu.”